ایشوریا، سلمان خان کے ساتھ کام کرنے کی خواہشمند

سلمان خان اور ایشوریا رائے بچن نے ایک ساتھ آخری مرتبہ 2002 کی فلم ’ہم تمہارے ہیں صنم‘ میں کام کیا تھا جس کے بعد سے انہیں کئی پروڈیوسرز نے ایک ساتھ کام کرنے کی آفرز دیں تاہم دونوں اداکاروں نے اس سے انکار کر دیا۔ اس فلم کے علاوہ دونوں اداکاروں نے ایک ساتھ 1999 کی فلم ’ہم دل دے چکے ہیں صنم‘ میں کام کیا تھا جو اس سال کی کامیاب فلم ثابت ہوئی تھی ایشوریا رائے بچن نے سلمان خان نے ساتھ کام کرنے کی خواہش کا اظہار کیا ہے۔ 

ایک انٹرویو دیتے ہوئے ایشوریا کا کہنا تھا کہ وہ سلمان خان کے ساتھ کام ضرور کرنا چاہیں گی



تاہم اس فلم کی کہانی اور ہدایت کار بہترین ہونا چاہیے۔ البتہ رپورٹس کے مطابق سلمان خان آج بھی ایشوریا رائے بچن کے ساتھ کام کرنے میں دلچسپی نہیں رکھتے۔ واضح رہے کہ ایشوریا رائے بچن اور سلمان خان کی جوڑی کو ایک زمانے میں بولی وڈ کی شاندار جوڑی کا نام دیا گیا تھا تاہم آپسی جھگڑوں کے بعد یہ دونوں علیحدہ ہو گئے تھے۔

 ایشوریا رائے بچن کو سلمان خان کی وجہ سے شاہ رخ خان کی 2003 کی کامیاب فلم ’چلتے چلتے‘ سے بھی ہاتھ دھونا پڑا تھا جب سلمان خان نے شوٹنگ کے دوران سیٹ پر آ کر ایشوریا کے ساتھ جھگڑا کیا تھا۔